Gecilin Gecmis yazilari

2004-05-28T10:23:00.000+04:30

اوستاد علي سليمي

ايللر اونجه ((ظهراب)) جنابلاري- علي سليمي نين آتاسي- او زمان كي ايران آذربايجانيندان باكي شهرينه كوچوب اوردا ساكينلشمك مقصديله اوزونه حيات يولداشي سئچيردي بيلميردي اونلارين ازدواج لارينين ثمره لري استاد علي سليمي كيمي يوكسك شخصيت لي بير ذات اولوب، آذربايجان موسيقي سينين بير گون تمل لريندن ساييلاجاقدير.

علي سليمي گونش ايلي 1301 اينجي ايلده باكي شهرينده آنادان اولموش و هله 7-8 ياشيندا ايكن سونمز و دولغون استعدادين بروزه وئرركن موسيقي ساحه سينه چكيليب و باكي نين مختلف موسيقي مكتبلرينه گئدير لاكن تاسفله اوردا اولان موسيقي اوجاقلاري اونون يانغين روحونو سيراب ائده بيلمه دن 1312نجي ايلده سنينين آز اولماغينا باخماياراق رحمت ليك احمد باكيخانوفون حضورونا چاتيب و او ساحل سيز علم دنيزينين دالغالاريندان فايدالاناراق آذربايجان ملي اركسترينه عضو سئچيلركن آغير تجربه لر قازانير.

دئمه ك ائله بو ايللرده سووئت دولتي استاد علي سليمي نين عائله سين تابعيت شرطلرين قبول ائتمه مك لرينه گوره ايرانا قايتاريب و استاددا اوز قيريلماز علاقه سيله آذربايجان موسيقي ماهني لارين يئني بير اسلوبدا توپلاماغا باشلايير. استاد علي سليمي آردجيل تلاش لاري كولگه سينده ائده بيلميش آذربايجان اركسترينين رهبري سئچيلميش و همان زماندا راديو تهران دا فعاليت لر گوسترسين.

تهران دا مرحوم استاد روح الله خالقي، مرحوم استاد كلنل علينقي خان وزيري، استاد مشير همايون و باشقا ايران موسيقي استادلاريله گوروشوب تانيش اولموشدور.

استادين موسيقي هنرلرينين آردينجا گئتمه سي اونو مرحوم استاد حسين ناصحي محضرينه چكيب و او مرحومدان بين الخالق موسيقي، كنترپوان، مارموفي، كمپوزيسيون، ساحه لرينده اويرنمه گه باشلاركن آذربايجان فولكلوريك ماهني لارين توپلانماسينادا بئل باغلايير.

گونش ايلي1332نجي ايلده بير فستيوالدا "سئووت آذربايجاني" آدلي قطعه نين اجراسي او فستيوالين قيزيل مدالين اونا هديه گتيرير و اوندان سونرا مختلف ساحه لرده مثالدان اوتور سرود، ترانه، دوبيتي، فانتازي، مارش بسلمگه باشلايير.

اونون بسله ديگي آدليم "آيريليق" و "سيزه سلام گتيرميشم" آدلي ماهني لاري توركيه، بلغارستان، شوروي، يوگسلاوي و باشقا اولكه لرده سرعتله ياييلير.

سون ايللرده كينو(فيلم) صنعتيله علاقه دار اولاراق اونلارين موسيقي لرينين بسلمه لرينده اشتراك ائتميش و"سئو مني"، "كوچري"، "جاجيم" و "ساوالان" آدلي فيلم لرين متن موسيقي لرين چكير. بونلارين هاميسي آذربايجان موسيقي سينين تعالي و انكشافيندا بويوك روللار اويناييرلار.

1367نجي گونش ايلده "برائت از مشركين" آدلي فستيوالدا قيزيل مدال قازانميش و فجر دهه سينين دوردونجو فستيواليندا "استاد" ليق مقامينا يوكسكلركن قيزيل مدال آلميش و فخري دكترا قازانميش دير.

استاد علي سليمي بارلي عومرونده 1500 ياخين آهنگ ياراتدي كي آيريليق، سيزه سلام گتيرميشه م، تبريزيم و راحله آهنگلري اوستادين شاه اثرلريندن ساييلير. اونون آيريليق و سيزه سلام گتيرميشه م اثرلري سياسي سرحدلردن آشيب و آز زماندا بوتون تورك ائللرينين ديللر ازبري اولوب و گونئي آذربايجانين دردينين ترجماني اولدو. علي سليمي پهلوي زمانينين فرهنگي بوغونتوسوندا و او رژيمينين پان فارس سياستلرينين دورونده ايراندا آذربايجان موسيقي سينه يئني جان وئريب و تازا نسللرين قاباغينا بير گئن يول آچدي. آذربايجان كولتورونون بناسيندا علي سليمي بير بينوره ساييلير و اونون آدي آذربايجان تاريخينده قيزيل خط ايله يازيلمالي دير.

عومور بويي آذربايجان موسيقي سينين ديرچليشينده چاليشان صنعتكار، 75نجي ايلين اسفند آييندا مغزي سكته اثرينده خسته خانايا دوشوب و 76نجي ايلين ارديبهشت آيينين 3نده دونياسين دگيشدي و بوتون آذربايجانليلار و فرهنگ سئون انسانلاري ماتمه بورودي. اونون شانلي مزاري تبريزين وادي رحمتينده هنرمندلر بولومونده يئرلشيب. علي سليمي بو دونيادان كوچسه ده اوز ياراتديغي آهنگلر ايله بوتون آدربايجانلي و فرهنگ سئوه ن انسانلارين اوره يينده ياشاياجاقدير.

اوستاد سليمي حاققيندا لينك لر:

موسيقي :

2004-05-14T15:50:00.000+04:30

به مناسبت 25 ارديبهشت روز بزرگداشت فردوسي

خطاب به فردوسي

بسي رنج بردي در اين سال سي
كه شايد بري گنج از اين پارسي

به شوق درم نظم آراستي
به دنيا نيفزودي و دين كاستي

دو من مثنوي بهر زر ساختي
به تركان و تورانيان تاختي

نيامد خوش آنرا به سلطان ترك
كه بد گفتي از ايل و خاقان ترك

زرت را ندادند و گفتند سيم!
اگر چه نهادند نامت حكيم!

جز ايران و افغان نديدي كسي
كه صحبت نمايد بدين پارسي

به نظم آفريدي هزاران دروغ
پر از كين و توز و تهي از فروغ

نمودي پر از نام رستم جهان
به صد مكر و نيرنگ چون روبهان

ز زال و فريدون يلي ساختي
حسين بر نهادي و دين باختي

هزاري ز سالت شد اكنون ببين
چه كردي جوانان ايران زمين

همه سخره گيرند و گويند سب
هزاري ز غيبت ولي بي سبب

نه رسم مسلماني است اين نه گبر
بنازم به اين ترك و اين حلم و صبر

ترا گفته اي اين چنين ناسزد
ز تركان نباشد كسي را خرد

كسي كو زعلم و حكمت تهيست
هر آنكس حكيمش بخواند ابلهيست

تو حكمت ز پير خراسان بجوي
همانند او از ديانت بگوي

به روح حكيم خراسان درود
نگر آنچه را خاص حاجب سرود

الهي! او كوش حمد ايور من سانا
سنين رحمتيندن اومار من اونا

تو هم شعر مهر و محبت سراي
حسد را و كين را زخود بر زداي

رها كن كه ايران و توران چه گفت
دمي بنگر آنرا كه قرآن چه گفت

دو صد السنه بهر خلق آفريد
همان را ز اعجاب خود آوريد

كرامت به تقوي بود پيش يار
نه قوم و زبان و نژاد و تبار

نيارد زبان فخر از بهر كس
بزرگي به دين است و ايمان و بس

محمد صادق نائبي

2004-04-30T11:44:00.000+04:30

بِأَيِّ ذَنْبٍ قُتِلَتْ؟

قايناق: اينفو تورك ( تبريزين ارك قالاسي) سايتي

2004-04-23T12:55:00.000+04:30

چال عاشيق

چال عاشيق سازيني، اوره گيم دولوب
بعضا اينسان ايچون درمان بو اولور
سازين نغمه لري آخسين كونلومه
يوخسا چيچكلريم عطش دن سولور

چال عاشيق سازيني، بلكه سازيندا
اومودسوز حياتا بير اوميد تاپيم
گل عاشيق سازيندا صبردن دانيش
بلكه دؤزمك درسين آغزيندان قاپيم

بيليرسن آي عاشيق درديميز بيردير
گل گئدك سازيندا عشق دن دانيش
سيم لرين ديلي ايله خلقي هارايلا
گل بو درده منله بيرليكده يانيش

گل عاشيق بو آخشام داغلار باشيندا
نغمه لر سؤيله يك گوزللر ايچون
گل عاشيق بو آخشام عاشيق اولانا
دئيه ك غم چكمه يين دولدوروب ايچون

سحره جك چاليب، اوخوياق عاشيق!
بلكه اوره كده كي يارا بيتيش سين
چاخيرلاشيب چالاق اوجا سس ايله
قوي عاشيق سسيميز يارا يئتيش سين

اولدوزلارلا اولاق بو گئجه همدم
اولكردن گل آلاق عشق الهاميني
بو گئجه چاغيراق تام عاشيقلاري
چاخيرا، چالقييا ييغاق هاميني

اينسان دردلريني گل سازيندا چال
دوزوملي عاشيق لاردان حكايت ائت
گل، بيزه آي عاشيق عشق درسي وئر
اوميدسيز ساعاتدا درديميزه يئت

عليرضا ناب دل ( اوختاي )

بوراني مات ميخانا ائديبسيز!؟ دورون جهنم اولون!

بو سوزلر بير انتظامي مامورونون آغزيندان چيخير. فيكر ائديرسيز بو سوزون مخاطبلري كيملردير؟ شايد دئيه سيز بير نئچه جوان اؤز ايشلري و دانيشديغي سوزلريله باشقاسينا مزاحم اولوب و ((امنيت جامعه!!)) ني خطره ساليبلار و بو وظيفه شناس ماموري بوجور حيرص لنديريبلر! و يا شايد گونده خياوانلاردا گوردويوموز اولايي لارين بيري خاطيريزدن گئچه و يا…

يوخ، بو سوزلرين مخاطبي بير نئچه اويرنجي و باش آشاغا گنج دير كي گوناهلاري اوز اصل لريني اونوتماماق و وارليغلارينا گوونمه ك دير. جمعه گونو عينالي داغيندا نئچه گنج منظم و متين شكلده بير يئرده توپلانيب و روحلاريني عاشيقين الينده اولان سازين قوتسال سسينه تاپشيرماق ايسته ييرديلر، اما هله سازين سسي چيخماميشدان و عاشيقين اؤدلو اوره گينين قفلي آچيلمادان يئنه ده آذربايجان كولتورونون دشمنلري بو سسي بوغوب و عاشيقين سازين اليندن آلديلار! اونلار هله بونادا قناعت ائتمه ييب و نئچه نفري آپارماق ايستيرديلر كي داغچي لار بو ايشين قاباقين آلديلار. اوردا اولانلارين بئيينلرينده يئنه ده بو سورغو ياراندي كي نييه به فقط بو سازين قاباقي آليندي و باشقا چاليب اوخويانلارا بئلنچي سوز دئيلمه دي و اونلار خانواده لره مزاحيم آدلانماديلار؟

بو ايش بير داهادا شوونيسمين چيركين اوزوندن اورتوك آچيب و بللي ائتدي شوونيسم سازين داغدا چالينماسيندان دا قورخور! اونلار بيليرلر هر يئرده بوغونتي، آلچاقليق و عرقچيليك واردير ساز اونلارين قارشينا عصيان ائديب و عاشيقين الينده بير گوجلو سيلاحا دونوب. آذربايجان ميللتي تمدن لر دانيشيغينين بركتينده دانيشيق! و تمدن -ون معنا سيني باشا دوشوب و اونلارين يئني معنا لاريني اويره نيب دير. بئلنچي ايشلر ميللتچيلري اؤز يوللاريندا محكم له ديب و دشمنين عاجيز قالماسيني اونلارا بللي ائدير. هر كس بير سئلين قاباقينا داش آتسا اونا دلي دييه رلر، بو ايش و بئلنچي ايشلرده ميللت سئلينين قاباقيندا بير داش دير و بو ايشلرين داها واقتي كئچيب دير. آذربايجان ميللتي بير آغاج اولسا، اونون ياپراقلاريني قوپارماق اولار، بوداقلاريني سينديرماق اولار، اما اونون كؤكون يئردن چيخارتماق اؤلماز.

گونده رن: بير شاهيد!

سهند

2004-04-11T12:35:00.000+04:30

سهند

بولوت قاراچورلو 1305 ده مراغا شهرينده آنادان اولدو. دوغوم گونونده ياغيشين ياغماسي باعث اولدي اتاسي اونون آديني ((بولوت)) قويسون، اما پهلوي رژيمينين ثبت احوال اداره سي بو آدي "نامانوس!" بيليب و اونون شناسنامه سين "بهلود" آديله وئرديلر.

بولوت قاراچورلو پهلوي رژيمينين بوغونتوسوندا ((سازيمين سوزو)) آديندا شعر كتاب ايله ايراندا ياساق اولموش تورك ديلينين گوجونو بيرداها اثبات ائديب و آذربايجان ميللتينه چيراغ كيمي يول گوسترن اولدو.

سهندين شعرلرينده انسانليق و بيرليك دالغالانير، اونون شعرلري وطن عشقي، آزادليق، ميللي حقلر، سئوگي و… ني ترنم ائدير.

سهند آناديلينه و آذربايجانلي اولماقينا گووه نيردي و بو دوشونجه دن اوتور پهلوي دورونده خوش بيرگون گورمه دي و دائما مامورلارين طرفيندن اذيت اولوب و نظر آلتيندا ساخلانيردي، اما اونون اينامي و اوز وطنينه اولان عشقي بو فشارلارا استون گليب و اولاري مايوس ائديردي.

سهند 1346نجي ايلين بهمن آييندا شهرياري گورمه ك اوچون تهرانا گئدير آمما شهريار كي بو ايللر دونيادان ال اوزوب و اوز ائويندن ائشيكه چيخميردي سهندي گورمك ايستمير دي. آمما شهرياري گورمك شوقي سهندي مجبور ائدير اوز آنا ديلينده بير شعر يازيب شهريارا گوندرسين،و بو مكتوب "سهنديه" اثرينين يارانماسينا باعث اولور.

بو آزادايغا حسرت قالان دويغولو و دويوشجول شاعير 1358 نجي ايلين فروردين آيينين21نده دونيادان گئدير و اونون وطن عشقينه دويونن اوره گي دويونمه كدن دايانير و بوتون حق سئون انسانلاري ماتمه بورويور. اونون روحو شاد و يولو دواملي اولسون.

قارداشليق، يولداشليق ، ادبي باريش

من دئميرم اوستون نژاددانام من
دئميرم ائللريم ائللردن باشدير

منيم مسلكيمده ، منيم يولومدا
ملت لر هاميسي دوستدور قارداشدير

چاپماق ايسته ميرم من هئچ ميللتي
نه ديلين، نه يوردون ،نه ده امگين

تحقيرائله ميرم ،هده له ميرم
كئچميشين، ايندي سين ، يا گله جگين

من آييرميرام، آيري سالميرام
قارداشي قارداشدان ، آروادي ـ اردن

آناني بالادان، اتي ديرناقدان
اوره گي ـ اوره كدن، قانادي پردن

پوزماق ايسته ميرم من بيرليكلري
انسانليق بيرليگي ايده آليم دير

قارداشليق، يولداشليق ، ادبي باريش
دونيادا ان بويوك آرزولاريمدير

آنجاق بيرسوزوم وار، من ده انسانام
ديليم وار،خلقيم وار،يوردوم يووام وار

يئردن چيخماميشام گوبه لك كيمي
آدامام،حقيم وار،ائليم اوبام وار

قول يارانماميشام،ياراناندا من
هئچ كسه اولمارام ،نه قول،نه اسير

قورتولوش عصريدير انسانا بو عصر
اسير اولانلاردا بوخوون كسير

ب.ق. سهند

2004-04-02T08:42:00.000+04:30

حبيب ساهر

هامي آزاده ائلين شاعيري وار من اسير ائللرين آه... شاعيري يم

حبيب ساهرين بويوك باباسي اوز عائله سي ايله بيرليك ده ميانانين ((ترك)) كنديندن كؤچوب تبريزين((سرخاب)) محله سينده يورد سالميشدي. ساهر 1282نجي گونش ايلي نين ياز فصلينده ((سرخاب)) محله سينده آنادان اولور. حبيب اوشاق ايكن، آتاسي تبريزين قانلي بير بلواسيندا اؤلدورولور و بئله ليكده بوتون عائله سي چوخ آغير ياشاييشا معروض قالير.
حبيب ساهر ايلك تحصيليني ملاخانالاردا كئچيرديب و سونرالار يئني آچيلميش مدرسه لرده اوخوماقا باشلاييب و اورتا مكتبي بيتيره ندن سونرا كوردوستاندا معلم ليگه مشغول اولور، سونرا يئنه ده تبريزه قاييدير و نهايت 1306 نجي ايلده عالي تحصيل آلماق اوچون استانبولا سفر ائدير. استانبول يونيوئرسيته سينده جغرافيا علم لر بولومونه قبول اولونور و نهايت 1312 نجي ايلده جغرافيا علم لر فاكولته سينده ليسانس آلير. ساهر 7 ايل استانبولدا قالاندان سونرا باكي يا و سونرا باكي دان تهرانا گئدير.
ساهرتهراندا معارف اداره سينده معلم استخدام اولور و 1313 نجي ايلده جغرافيا معلم ليگي اوچون زنجانا گونده- ريلير. كلاسلاردا اوشاقلاريله اوز آناديللرينه دانيشماق اوچون و وئريلن تذكرلري سايماماسي سبب اولور كي ساهري زنجاندان چيخاريب و مازندرانا سورگون ائتسينلر. مازندراندا مالاريا خسته ليگينه توتولور و يئنه ده تهرانا قاييتماغا مجبور اولور، خسته ليك جانيندان چيخماميشدان تهراندان قزوينه گونده ريلير اما قزوينده چوخ قالا بيلمير و نهايت اونو تبريزه گونده ريرلر. ساهر تبريزده معلم ليگه مشغول اولور، اونون تبريزده ياشاديغي ايللر، ادبي و ياراديجيليق حياتي نين پارلاق و چوخ بارلي دورانلاريندان بيري اولور. 1320 نجي ايل رضاشاهين قارا بوغونتي سي ييخيلديقدان سونرا بوتون ايراندا و ائله جه آذربايجاندا بير مدنيت ديرچليش اوز وئرير و ادبي فعاليتلر داها گوجله نير. ساهر ده اوز ادبي فعاليتلريني بئله بير محيطده گنيشلنديرير و اوخوجولارينين درين حورمتين قازانير. ساهر تبريزده ياشاديغي ايللرده ((افسانه شب))، ((سايه ها))، ((شقايق)) و... آدلي فارسجا شعر كتابلاريني يايا بيلير. اما 1325 نجي ايلين پاييزيندا شاهليق قارا استبدادي بيرداها يئني دن تبريزه قاييداندان سونرا، ساهري تبريزدن آييريب اردبيله سورگون ائديرلر. ساهر ائلينين آغير نيسگيليني بئله شعره چكير:

بيزه ياد كابوسي باخ كؤلگه ساليب
بو اؤلوم دور، بو اؤلوم كؤلگه سي دير!
ياد ديلي اؤلسادا خوش سسلي، يئنه
بيزجه ارباب سسي، جلاد سسي دير...

خانليغين باخما دونو قيرميزي دير
او بويا، ائل اوبانين آل قاني دير
او بيزيم وارليغيميزلا دوگوشور
او بيزيم شعريميزين دوشماني دير...

ساهر اردبيل ده معلم ليك ائدير و((تحت نظر)) اولماغينا باخماياراق آغير بير وضعيتده ((اشعار جديد)) آدلي فارسجا شعر كتابيني محدود نسخه لرده يايير. اوچ ايل اردبيل ده ياشاديقدان سونرا يئنه ده قزوينه گونده ريلير و اوردا معلم ليك ائدير و همان ايللرده ((كؤشن)) و ((ليريك شعرلر)) آدلي توركجه كتابلاري گيزلينجه يايير و داها سونرا ((خوشه ها))، ((اساطير)) و ((اشعاربرگزيده)) آدلي فارسجا شعر كتابلاريني دا يايير. ساهر 13 ايل قزوينده ياشاديقدان سونرا تهرانا گونده ريلير و عمرونون سونونا قده ر تهراندا ياشايير.
تهراندا ياشاديغي ايللرده ((كتاب شعر1))، ((كتاب شعر2))، ((ميوه ي گس))، ((نمونه هايي از ادبيات منظوم ترك))، ((سحر ايشيقلانير)) آدلي كتابلاري ياييلير. انقلابدان سونرا دا ساهرين چوخ شعرلري تبريز، تهران، زنجان و ... يئرلرده نشر اولونان مجله لرده چاپ اولونور اما تاسفلر اولسون كي بيرپارا علتلره گوره ساهرين اثرلري نين چوخو، اوزو دئميش كن ايشيق اوزو گوره بيلمه ييب دير.
نهايت عومور بويو اوز اثرلريله يوردونون ايستكلريني و نيسگيللريني ترنم ائدن آذربايجان خالقي نين انسان پرور شاعيري نيسگيللي بير وضعيتده 1364 نجي گونش ايلي آذر آيينين 24 نجي گونو گئجه دونيادان كوچوب و تهرانين بهشت زهراسيندا ابدي اولاراق تورپاغا تاپشيريلير. اونون بويوك و شريف روحو شاد اولسون.

ايسته رم غملي و توفانلي گئجه يولچولارا
بير فانوس تك يادا قطب اولدوزي تك
رهبر اولام
ايسته رم ياي گونو چوللرده آخار
بير سو اولوب
دوم- دوري گوز ياشي تك يولدا
چوخور ايچره دولام
ايسته مم نقش و نگاريم قالا
شعريم اوخونا
ايسته رم بير سيزي حسرت تك
اوره كلرده قالام
اونودورسا مني ائل، چكمه سه تاريخ آديمي
ايسته رم آي تكي يورد اوسته
گئجه شوق سالام

قايناق: پيك آذر مجله سي، 12 نجي شماره سي

2004-04-02T08:38:00.000+04:30

گجيلين آنا صحيفه سينده يازيلان شعرلره ادبيات صحيفه سينده لينك ويريلير.

يئني ايلينيز مبارك اولسون

2004-03-26T09:27:00.000+04:30

بهار اولدي گل اي دلبر تماشا قيل بو گلزاره بوراخدي غنچه لر پرده، بشارت بولبول زاره يازين باشلانيشي كي طبيعتين اويانماغينا باعث اولور بيزيم كولتوروموزده ((نوروز بايرامي)) آدلانيب. نوروز بايرامي ايران، آذربايجان، افغانيستان، توركيه و اورتا آسيا دا آدليم راق و تانينميش بير رسم ساييلير و ان قديم چاغلاردان بو ميللتلر ياز فصلينين ايلك گونلرين ان طنطنه لي شكيلده عزيز توتوب و اسكي زمانلاردان قالان رسملر ايله بو بويوك بايرامي ديري ساخلاييبلار. نوروز بايرامي نئچه ميللتين رسملرينين ييغينجاقيدير و هر ميللت اؤز رسملرين و عنعنه لريندن بو بايراما آرتيريب كي بو ايش نوروز بايرامين ايران، قافقاز، آنادولو و اورتا آسيا ميللتلرينين آراسيندا بير مشترك رسم اولماسينا باعث اولوب. بو ميللتلر مسلمان اولاندان سونرادا بو بايرامي عزيز توتوب و بيرآزجا اسلامي بويا اونا ويرماق ايله بو بايرامي قاباقجاداندا گئنيش و بويوك شكيلده توتوبلار. بو گونلر1382 نجي گونش ايلينين سون گونلرين آدديملاييب و يئني ايله يئتيشمه ك حالينداييق. دونيا سياستينده بو ايلده بويوك و اثرلي ايشلر و اولاييلار اولوندي و نئچه ميللتين يازيسي دگيشيلدي. افغانيستان ميللتي طالبان حكومتيندن قورتولوب و يئني اساسي قانونلاري اونلاري بير مدني و دموكرات حكومتين صاحيب اولماقينا ساري آپارير. بيزيم بو تاييميزدادا عراق ميللتي بير مدني و آزاد حكومته يئتيشماقا ياخينلاشيب و گله جكلري اؤز اللرينده دير واگر ايسته سه لر بير آزاد ودموكرات حكومته صاحيب اولاجاقلار. اما ايراندا هله دموكراسي يولو دومانلي دير و مدني حاقلار سياسي حيزبلرين دوكانيندا تاپيلمايان بير جينس ديلر. ايراندا ياشايان ائتنيك لرين ميللي حركتلري كي ايرانين دموكراسييا يئتيشماقينين بيرينجي شرطي ساييلير هله گئنه ده ايراندا اؤز يئرين تاپماييب و شوونيسم گون به گون اولارا ويرديغي ضربه لرين آغيرلادير. اينترنت ساحه سينده بو ايل آذربايجانين ميللي حركتينده ان بويوك و ياددا قالمالي ايل ايدير. بو ايل تورك ديلينده اولان سايتلارين سايي نئچه برابر اولدي و بو سايتلار اينترنتده آذربايجان ميللتينين بايراقچيسي اولدولار. اومودوموز وار گلن ايلده بوتون آذربايجان ميللتي اؤز اللري و اراده لر ايله اؤزلرينه بير آيدين گله جك رسم ائديب و يئني ايلده يئني ياشاييش باشلايالار. 1382/12/29 نظر لرينيز Comments(8)

اي حسينه آغلايانلار آغلايين اوز حالوزا

2004-03-08T11:13:00.000+03:30

اي حسينه آغلايانلار آغلايين اوز حالوزا----- ايندي آغلير كربلا شاهي سيزين احوالوزا رادمردان خدا اولمز هميشه زنده دير ----- سيز اولرسيز باخمايين بوجارو بو جنجالوزا امت بي غيرتي نئينير امام تشنه لب ----- احتياجي يوخ سيزين بير قطره اشك آلوزا آغلاماق وئرمه ز نتيجه عزت دين اولماسا ----- يا گولون يا آغلايين يا كول ياخين سققالوزا شمردن آرتيق حسينه سيز اذيت ائيله ديز ----- اي خلاف شرع ائدنلر بير باخين اعمالوزا شمر بير دفعه حسيني اولدوروب، مين دفعه سيز ----- اولدوره رسيز گر دوشه ايندي سيزين چنگالوزا سوزلريز، غيبتدي، بهتاندي، يالاندي افترا ----- نه وئره ر آللاه سيزين بو خشگه قيل و قالوزا بير بئله دادوفغان ائتديز حسينه آغلاديز ----- اي منافقلر نه آلديز باغلاديز دسمالوزا نور چشم مصطفي محبوب رب العالمين ----- دوز مسلماني سئوه ر آند اولسون ايستيقلالوزا خامس آل عبانين بيلمه ديز مقصوديني ----- ايسته دي بلكه وئره رونق سيزين اجلالوزا شرقدن غربه گره ك سيز اولايديز حكمران ----- ليك سيز آماده سيز ايندي اوز اضمحلالوزا پاكدل اينسان سيزي گورسه يقين گمراه اولار ----- كيم سيزي ناپاك ائديب لعنت گله غسالوزا خلقي شيطان تولاياندا تولوسوز شيطاني سيز ----- مات و حيران قالميشام بو شيوه ي اغفالوزا يا گلين بو درگه سلطانه سيز اصلاح اولون ----- يا گلين تابع اولون بير دفعه اوز دجالوزا اهل قرآن سيز اگر، قرآني ايله رفتار ائدين ----- ناطق قرآن سيزين باخسين گوزل اعمالوزا زير بار ظلمته او عالمده بير آن گئتمه دي ----- سيز ولي بير عمر آلديز بار ذلت دالوزا لعنت پروردگار اولسون گوروم صبح و مسا ----- پي، پارافيندن قئييرمه ياغ ساتان بققالوزا وار بير عده حسينچي پاكدامن بي ريا ----- نه سيزه بنزه ر نه سيزين امثالوزا من سيزه آللاهدن هر وقت توفيق ايسته ره م ----- سيزده توفيق ايسته يين((حداد)) تك تقالوزا ------------------------------------------------ ((حداد))

گجيلين بيرينجي ايل دونومو

2004-03-05T07:46:00.000+03:30

آنا ديلينده يازيب- اوخوماق و اوز ميللتينين گئچميشيني، كولتوريني و...تانيماق هر اينسانين بيرينجي حقلريندن ساييلير، آمما بو چاغدا كي گيزلين آمما تانينميش اللر آذربايجان ميللتين اوز زنگين وارليغيندان آييرماقا چاليشير و بو اينساني حققي بو ميللتدن اسيرگه يير . اونا گوره بوتون اذربايجانليلارا اوز ديللريني قوروماق بير ميللي و اينساني وظيفه ساييلير. بو آرادا اويرنجي لرين ايشي آغيرراق دير و اولار اوزلريندن سونرا گرك باشقا كيمسه لريده بو حق و ميللي وظيفه لرينه تانيش ائتسينلر. گئچن ايل بير بالاجا سايت دوزه لديب و درسي پروژه ميزي اوندا اوستاديميزا گوسترديك، پروژه قورتولاندان سونرا بو سايتين ايشيني دوام وئرمه ك ايسته ديك و اونا بير آد فيكرينده اولدوق آمما اوز سئوديگيميز آدي تاپانميرديق، بيز بير آد ايستيرديق كي باشقا آدلاردان سئچيلسين و سايتين ايشينه ده اويغون اولسون! چوخ فيكردن سونرا بو سايتين آديني گجيل قويدوق. گجيل تبريزين اسكي محله لريندن بيري دير و ايندي ده تبريزين آدليم محله لريندن دير كي هر نمه نه اوردا تاپيلار! بو بير ايلده نه چوخ درسلر كي آلدوق و نه تجربه لر كي اله گتيرديك. نه سوزلري ائشيتديك نه سوزلري دئديك! نه قدر دوست تاپدوق نه قدر دوشمان! بير گون رحمتليك حيدر عليف دن پول آلان اولدوق بير گون يوردوموزا خيدمت ائدن! هر حالدا بير ايل هاميسي ياخشيليق و پيسليك لريله گلدي كئچدي. آمما هله بيز آذربايجانين چوخلو گنجلري كيمي اوز آنا ديليميزي يازيب اوخوماغي دوزگون بيلميريك. هله گئنه ده اوز تاريخيميز دن تكجه بير آزجا بيليريك . هله گئنه آذربايجان ميللتينين دردلري قاليب و گون به گون بو دردلر اونو چوخ راق اينجيدير.گئنه هله.... گجيله نئچه يئني صحيفه آرتيردوق : اوشاقلار صحيفه سي ، ادبيات صحيفه سي ، آنلاين آذربايجانلي لار صحيفه سي و ... اومودوموز وار سيزلرين يارديم لارينيزيله گجيلي آياق اوسته ساخلاياق... بو يازينين سونوندا اوزوموزه وظيفه بيليريك بوتون اولاردان كي بو بير ايلي بيزه يارديم ائديب اوز نظر لريله بيزه اومود وئرديلر ، خصوصا جيناب مهران بهاري ، جيناب اسماعيل جميلي و جيناب علي.ب.تورك دن تشكور ائدك. سيزين نظر و يارديم لارينيزي گوزلوروك. يئنه ايستيريك هاي سالاق! يئنه آنا ديليميزي دوز يازا بيلميريك... 1382/12/7 نظر لرينيز Comments(3)

ايلك يازي

2004-02-24T09:07:00.000+03:30

7/12/1382 قاباق كي گجيلين يازيلارين
- گجيلين گئچميش يازيلاري -
صحيفه سين دن اوخويا بيلرسينيز

2004-02-27T08:57:00.000+03:30

سئوگي ياساقليغي دونياليق آنا ديلي گونو مناسبتينه تبريزين منظرييه كويينين كوثر اويقارليق ساراييندا چوخلو گنجلرين ايسته يي، هابئله اويقارليق سارايي سوزوملوسونون گوروش اويغونلوغو ايله توركجه قيرامئر كيلاسلاري يايين ايلك گونلريندن قورولدو. بوكيلاسلار بير بيلي يورد اويره نجيسي اويره تمن ليي ايله سئوگي دولو بير آتموسفئرده دورد آي سوردو. ديليميزين يانغيني اولان ياشام بويو اوزوندن اوزاق سالينميش، سئوگي، ايچينده ياساقلانميش، گنج قيزلارين، اوغلانلارين يوز ايل سوره سينده آلچالديلميش، تاپدالانميش ديليميزه سونسوز سئوگي ايله ياناشمالاري هر داش اوره كلي كيمسه ني دويغوساللاشديريب. چاغين آجي لارين داشييان اينجي گوز ياشلاريني ياناقلارا آخديريردي. آنجاق يئنه آلچاق دوشوننلر بير نئچه سينين اوزو ايله تانيشليغينا دوزه نمه ييب، قارا اللريله ايشيق قورونو بوغمارلاديلار. دئييلن سوره دن سونرا، ياني گوزون اورتا آييندا بوش سوچلامالارلا، گوزله نيلمزجه سينه كيلاسلار قاپاندي. بو قاپانما قيراقدا، آغريديجي ايش اوندان سونرا باشلاندي، بئله كي كيلاسدا اورتاق اولان اويره نجي لرين هاميسي توركجه اوخوماق سوچونا اويقارليق سارايي نين كيتاب ائويندن ائشييه اوتورولدولر. بو كيلاسين اويره تمني ايله ساراي سوزوملوسو آراسيندا كي بير نئچه دانيشمالاردا كيلاسين يئني دن آچيلماسينا سوز وئريلميشدير. آنجاق 82/11/25 ده كسين ليكله يوخ سوزو دئييلدي. بو آجي اولايي بوتون كيشي ليك آدينا ياشايانلارا باش ساغليغي وئريريك. حق، چاي كيمي دريايه آخيب يول تاپاجاقدير كيمسه اونا داش آتماغينان دونده ره بيلمز دونياده قارانليق لار اگر جمع اولا باهم بير خيرداجا شمعين ايشيقين سوندوره بيلمز -------------------------------------------------------------------------------- طالعيمه سن باخ! طالعيمه سن باخ دوشونجه لريم ياساق دويغولاريم ياساق كئچميشدن سوز آچماغيم ياساق گله جكدن دانيشماغيم ياساق آتا- بابامين آدين چكمه ييم ياساق! بيليرسن؟ آنادان دوغولاندان بئله اوزوم بيلمه يه بيلمه يه ديل آچيب دانيشديغيم ديلده دانيشماغيمدا ياساق ايميش، ياساق ب. ق. سهند نظر لرينيز! Comments(6)

Gecilin Gecmis yazilari

به نظم آفريدي هزاران دروغ پر از كين و توز و تهي از فروغ

نمودي پر از نام رستم جهان به صد مكر و نيرنگ چون روبهان

ز زال و فريدون يلي ساختي حسين بر نهادي و دين باختي

هزاري ز سالت شد اكنون ببين چه كردي جوانان ايران زمين

همه سخره گيرند و گويند سب هزاري ز غيبت ولي بي سبب

نه رسم مسلماني است اين نه گبر بنازم به اين ترك و اين حلم و صبر

ترا گفته اي اين چنين ناسزد ز تركان نباشد كسي را خرد

كسي كو زعلم و حكمت تهيست هر آنكس حكيمش بخواند ابلهيست

تو حكمت ز پير خراسان بجوي همانند او از ديانت بگوي

محمد صادق نائبي

سهند

يئني ايلينيز مبارك اولسون

اي حسينه آغلايانلار آغلايين اوز حالوزا

گجيلين بيرينجي ايل دونومو

ايلك يازي

به نظم آفريدي هزاران دروغ
پر از كين و توز و تهي از فروغ

نمودي پر از نام رستم جهان
به صد مكر و نيرنگ چون روبهان

ز زال و فريدون يلي ساختي
حسين بر نهادي و دين باختي

هزاري ز سالت شد اكنون ببين
چه كردي جوانان ايران زمين

همه سخره گيرند و گويند سب
هزاري ز غيبت ولي بي سبب

نه رسم مسلماني است اين نه گبر
بنازم به اين ترك و اين حلم و صبر

ترا گفته اي اين چنين ناسزد
ز تركان نباشد كسي را خرد

كسي كو زعلم و حكمت تهيست
هر آنكس حكيمش بخواند ابلهيست

تو حكمت ز پير خراسان بجوي
همانند او از ديانت بگوي